أنتلجنسيا المغرب: أبو دعاء
القضاء في بني
ملال ضرب بيد من حديد على أستاذ جامعي بعدما تبث عليه التحرش بأستاذة زميلتو
برسائل فيها "تَمْحَاطْ وتَلْحْوِينْ"، بحال "الزين ديالي"
و"الخايبة ديالهم"، وهو الشي اللي ما تقبلاته المشتكية وقررات تْجَبْدْ
ليه الوِيدَاتْ عند وكيل الملك.
ورغم ما حاول
ينكر ويقلب الطرحة، المحكمة الاستئنافية ما بقاتش فيه وحكمات عليه بالحبس والغرامة
والتعويض.
الأستاذ حاول
يبرر الموقف وقال باللي داك الكلام عندو عادي، وراه حتى الأستاذة كانت تناديه
بـ"صاحبي" و"خويا"، لكن المحكمة ما صدقاتش الرواية ديالو،
خصوصًا بعدما وكيل الملك والمشتكية استأنفوا الحكم الابتدائي، والنتيجة كانت
الإدانة والعقوبة.
القضية هادي
رجعات درس لكاع اللي كايْحَسْبُو الهضرة الخاوية ما عندها عواقب، والقانون بين
باللي التَّطْيَابْ الخاوي ما يَجْبَرْ غير الصداع والمشاكل، وحتى اللي
كايْلَعْبُو على الحبلين خاصهم يْفَهْمُو باللي الزمان تبدّل، والعدالة وْلَّاتْ
كَتْصَدّقْ دَارْ.
لا توجد تعليقات:
للأسف، لا توجد تعليقات متاحة على هذا الخبر حاليًا.
أضف تعليقك